A cabana
Seremos capaces de construír a cabana antes da tormenta?
Imaxinade que sodes un grupo de exploradores nun día desapracible perdidos... A noite vai chegando e cómpre facer unha cabana o máis rápido posible...
COMO SE XOGA?
Este xogo conta con cartas de 4 niveis de dificultade diferentes, poderedes mesturalas ou seleccionalas por niveis dependendo das idades dos xogadores para que todos poidan xogar. Deberemos reproducir a figura que indica a carta o máis rápido posible, unha vez a teñamos tocamos o timbre, pero ollo a figura debe estar en pé no momento que toquemos o timbre.
Gústannos porque están deseñados e fabricados de maneira artesanal en Galicia, e porque neles se mestura sempre o lúdico i educativo. Todos os seus xogos se presentan nunha caixa de madeira pintada a mán. Xogando a construír a cabana traballamos a observación e concentración, melloramos a psicomotricidade fina, concepción espacial, tridimensionalidade e o xogo en equipo.
Importante: as instrucións son en galego.
Recomendado para máis de 3 anos.
Pódese tamén xogar en modo individual.